A Ruta dos Pinchos promovida polo Concello de Coristanco con motivo da Festa da Pataca foi un éxito. Os nove locais participantes (Café bar Antoxo, Cervexería Arume, Tasca A Pataca, Bodegón Trincado, Café bar Anabel, Cervexería Arboleda, Pizzería El Molino, Parrillada Alaska e Cervecería Verxel) estiveron moi animados durante toda a semana, o que anima a darlle continuidade á iniciativa. A concelleira de Cultura, Clarisa Couto, expresou a intención do goberno municipal de estendela ao resto do municipio en próximas edicións.
