Co propósito de ofrecer ao colectivo das persoas maiores de 55 anos, xubiladas ou pensionistas que estean empadroadas no termo municipal de Coristanco unha alternativa de ocio cultural para o aproveitamento do seu tempo de lecer, favorecer o envellecemento activo e fomentar as relacións sociais entre os veciños/as dese grupo de idade. Dirixida a persoas empadroadas no termo municipal de Coristanco, maiores de 55 anos, xubiladas ou pensionistas.
- A viaxe será do 17 ao 22 de marzo.
- Preinscrición do día 29 de xaneiro ao 2 de febreiro departamento de Cultura, situado no Edificio de Servizos Múltiples de Coristanco (Planta Baixa).
- Prezo: 300 euros (inclúe viaxe en autobús, aloxamento en réxime de pensión completa e todas as actividades culturais que se realicen).
