A campaña “Separemos ben, reciclaremos mellor” chega a Coristanco aproveitando a celebración da Festa da Pataca. De feito, a Consellería de Medio Ambiente, que conta coa colaboración de Sogama, Ecoembes, Ecopilas, ERP e Ecolec, ten percorrido xa todo tipo de festas, feiras e mercados, entre outros eventos, para intentar que a iniciativa acade a maior repercusión social. Un vehículo adaptado para proporcionar información, monitores especializados e unha carpa que alberta o xogo xigante da reciclaxe, son as pezas básicas desta iniciativa, que se complementa co reparto de material divulgativo e merchandising. Este domingo, a aula móbil estará situada fronte á casa do Concello de 11.00 a 14.00 e de 17.00 a 19.00 horas.