O Concello de Coristanco apoia a campaña de ACoruñaRecopila para a concienciación e recollida de residuos de pilas, baterías e acumuladores no noso municipio.
Mañá, 10 de xuño, de 11,30h a 13,30h, situarase xunto a praza do Concello, unha carpa onde poderán depositar as pilas, baterías e acumuladores para a súa reciclaxe, ademais de achegar información sobre esta campaña.
Ademais, a partir do 11 de xuño, incorporaranse distintos puntos de recollida de pilas, baterías e acumuladores, coa localización de colectores específicos distribuídos polo municipio para facilitar a implantación dun modelo de reciclaxe eficaz e beneficioso para o medio ambiente.
