O Concello de Coristanco abre este mércores, 28 de febreiro, o prazo de preinscrición para as actividades de conciliación de Semana Santa co obxectivo de ofertar unha interesante e atractiva opción de conciliación; aprender xogando e convivindo cos demais e co entorno que nos rodea, descubrindo no deporte e na natureza as mellores fontes de ocio.
Por primeiro ano presentamos un programa de actividades culturais, deportivas e recreativas de Semana Santa que pretende combinar a aventura co deporte e o formativo co lúdico, a través dunha metodoloxía activa, participativa, integradora e dinámica que teña aos máis pequenos como protagonistas.
Requisitos:
- Con necesidade de conciliación familiar.
- Empadroados no Concello de Coristanco e NON empadroados con posto de traballo no municipio ou algún domicilio fiscal no mesmo.
- Idades comprendidas entre os 3 e 12 anos.
- Días e Horarios: 25, 26 e 27 DE MARZO e 1 DE ABRIL de 2024; de 9 a 14h.
- Lugar de realización das actividades: Polideportivo Municipal de Coristanco.
- Prazo de preinscrición: Dende o 28 de febreiro ao 5 de marzo de 2024.
- Prezo: 10 € por neno/a. O pago non se fará efectivo ata a confirmación da praza.
- Onde presentar as solicitudes? No Oficina de Cultura e Biblioteca Municipal do Concello de Coristanco, situada na pranta baixa do Edificio de Servizos Múltiples, en horario de 9 a 14h..
Contacto para resolver calquera dúbida, aclaración ou axuda que precisen:
651.66.49.08
> Accede a máis información AQUÍ
Descarga os Anexos AQUÍ