Estes próximos días de setembro serán moi estraños e atípicos. Nestas datas, Coristanco estaría gozando dos últimos preparativos para os seus grandes días e degustando o noso produto nos establecementos locais. Non cabe dúbida algunha que as nosas rúas botarán en falta o desfile de tractores engalanados, os xogos populares, a gastronomía, as actuacións, a música e a algarabía que puidemos desfrutar en pasadas edicións por estas datas.
Aínda que as circunstancias que estamos a vivir nos obrigaron a tomar a difícil decisión de adiar a Festa da Pataca para o vindeiro ano, dende o Concello de Coristanco queremos paliar a falta de celebracións e actos do que sería a nosa 40º Edición da Festa da Pataca, recordando todo o que foron as nosas festas en anos pasados.
Co cancelo #apatacadecoristancoresiste pretendemos recopilar material para o recordo deste ano 2020 sen festa nas rúas pero si presente nas nosas mentes máis ca nunca. Fotos, vídeos, debuxos, elaboración de figuras con patacas… calquera medio e forma servirá para a elaboración deste álbum do recordo.
O envío de material o poden remitir polos seguintes medios:
- Mensaxe a páxina de Facebook.
- Por correo electrónica a biblioteca@coristanco.gal
- WhatsApp ao teléfono 665 29 41 94
- Entrega na Biblioteca Municipal de Coristanco.